"Blodfans merka for livet"

"Signerte: Den kaizersfrelste Elizabeth Notø fekk trygla seg til eit møte med helten, og fekk treffe Jan Ove Ottesen (han heter Janove btw!) som like før hadde avslutta ein tretimars lang konsert i Florø. Det er så fantastisk, og no skal eg rett til tatovøren, sa Notø etterpå og sette i gang med å ringe. Ho har lenge ønskt å få signaturen til Kaizers på armen og forevige den saman med motivet frå Violeta Violeta-triologien. Alle foto: Maiken Aannevik Solbakken".

"2000 meir eller mindre kaizersfrelste gjekk laurdag heim frå det som trygt kan slåast fast å vere Florøs største hending på rockefronten. For Elizabeth Notø og Vibekke Birkelid vart opplevinga løfta til nye høgder då dei sikra seg tatovering ført i pennen av sjølvaste «dirigenten»".

Per Øyvind, du må hjelpe meg! seier Notø til Helle etter konserten er over og folk har byrja å forlate lokalet. På armen har ho ei tatovering av motivet som pregar coveret til Violeta Violeta-triologien.

- Eg har ein tatovør på stand-by og vil forevige signaturen til Kaizers på armen. Kan eg få møte dei ? tryglar Notø.

For Notø er Kaizers Orchestra-konserten i Florø den andre denne veka, etter at ho såg dei i Bergen tidlegare i veka. Hipphipp-gründer Per Øyvind Helle let seg lett rive med. Sjølv om bandet har gitt klare instruksar på at ingen skal få komme bak scena verken før eller etter konserten, får Helle likevel hjula til å rulle.

Religiøst

Vibekke Birkelid har reist heilt frå Oslo for å treffe idola sine.

- Det høyrest kanskje sprøtt ut, men eg har aldri forstått dette med religion. Ikkje før eg oppdaga Kaizers for åtte år tilbake. Dei siste seks åra har eg vore blodfan, fortel Birkelid.

Ho brukar Kaizers-songen «Prosessen» for å male bildet av kva ho meiner med religion og det å høyre til noko. Denne konserten er hennar tiande på åtte år. På skuldra har ho tatoveringa av det runde kaizersmotivet med ein mann med gassmaske i midten. Gjennom kontaktar og med eit rykte som blodfan, fekk ho komme backstage i håp om å møte gudane sine.

Jan Ove leverte

Etter mykje om og men, kjem sjefen sjølv ut. Jan Ove Ottesen, vokalisten i bandet har på seg hatt og dressjakke, og har berre for ein time sidan avslutta konserten. Jentene skildrar han som «Verdas Kjekkaste Mann». Då han endeleg står der framfor dei, smiler dei nervøst og delvis paralysert.

Per Øyvind legg entusiastisk ut om Notø. Ein lun og nøgd Kaizers-sjef signerer velvillig på armen medan Notø nærmast held pusten. Like etter «mannar» Birkelid seg opp. Ho som til no har stått stille i bakgrunnen. Etter møtet går begge damene derifrå med Ottesen sine etterlengta pennestrøk på kroppen.

Det her er heilt vanvittig, og eg skjønnar det eigentleg ikkje enno. No føler eg at eg må tatovere, men det gjer så vondt, grugledar Birkelid seg.

- Nei då, det gjer det ikkje. Dessutan må det forevigast, stemmer Notø i.

- Herleg! Tenk, no er vi svirevener, avsluttar Birkelid.

Eg vil fortelle med egne ord og bilder om opplevelsen, men det får vente litt ;) Dette intervjuet er hentet fra Firdaposten sin nettside. Link under.

-Firdaposten-